मङ्गलबार, १२ साउन, २०७८ 

मरी सकेको सपनाले पुर्न जीवन पायो– निरन्ता नेम्बाङ

गायिका निरन्ता नेम्बाङको चर्चा चुलिँदो छ । उनले २०७६ मा गायनमा डेब्यु गरिन् । पहिलो गीत थियो– ‘माया जालमा परेपछि ।’ जसमा राज आँसु लिम्बुको शब्द रचना एवं उदिम राईको संगीत सुन्न सकिन्छ ।

नेपाली भाषाको ‘बरको हाङ्गा’, ‘चाडै फर्की’, ‘तिमीलाई माया गरे’, लगायत दर्जनौं गीतहरुमा स्वराङ्कन गरेकी छिन् । उनले गायक निकेश राई सँग पूर्वेली लोकभाका ‘ए हौ सोल्टिनी’ गाएकी छिन् ।

पछिल्लो समय लिम्बु भाषा सँस्कृतीमा आधारित पालम, हाक्फारेहरु बढी गाएकी छिन् । ‘थोक्फेला पालम साम्लो’, ‘अन्दङ फुङ’, ‘माङ्गेना लासो’, ‘आनी याक्थुङबा’, ‘लाम्देम्बा मिम्जी’ लगायतका पालमहरु छन् । निक्कै लामो फेहरिस्त बन्छ । उनको योगदान लिम्बु समुदायको निम्ति अमुल्य निधि बन्ने निश्चत छ ।

निरन्ता नेम्बाङ ठाकुर प्रसाद नेम्बाङ र पन्चहाङ्मा नेम्बाङको कोखबाट जन्मिन् । पाँचथरको चिसो मौसममा हुर्किन, बढिन् । चिलिङदिन् गाविसको पखेरीबारीहरुमा घाँस–दाउरा गरिन्, माथी लेकका हरिया चौरहरुमा गाईबस्तु गोठला गरिन् । फदाङ्लुङमा सपनाको भाकल गरेर सेवा पुजा गरिन् । तिनै पाखा पखेराहरुमा चासोक तङ्नामहरुमा पालम गाइन् । जिन्दगी यस्तै हो भन्ने उनलाई लागेको थियो ।

२०६४ सालमा सिताराम लिम्बुसँग उनको विवाह भयो । छोरा समिप र छोरी समिक्षाको जन्मभयो । त्यसपछि घरगृहस्थी जीवन शुरुभयो । उनले गायन क्षेत्रमा लाग्ने सपना आज आएर यसरी पुरा हुन्छ भनेर कहिले सोचेकी थिइनन् ।

जब सामाजिक सञ्जालमा प्रवेश गरिन् । साथीहरुसँग कुराकानी भयो । गीत सुन्ने सुनाउँने भयो । साथीहरुले प्रसंशा गरे । हौसला दिए । साथीहरुको माझमा गीत गाइन् । त्यही उत्साह आज साँगीतिक आकाशमा फुलेको छ । लाखौं स्रोताहरु त्यसको सुगन्धमा मोहित भएका छन् । आफुले पहाडी भेगमा विताएका ती कठिन दिनहरु सम्झेर उनले भनिन् ‘ ‘सामाजिक सञ्वालमा भेटिएका साथीहरुको कारण आज मरी सकेको सपनाले फेरि नयाँ जीवन पाएको छ ।’ उनले थपिन् –‘ मेरो जीवनसाथीको भरपुर साथ र सहयोगले म सपनाको नजिक पुग्दैछु, वहाँ र मेरो लाखौं शुभचिन्तकहरुको माया र हौसला कहिले भुल्ने छैन ।’
यो पनि हेर्नुहोस्, गायिका निरन्ताको रमाइलो अन्तवार्ता

सम्बन्धित समाचार

‘कल्चरल’ गायक जेपी नेम्बाङ

‘बसे लेउँ लाग्छ, हिडे छेऊ लाग्छ ।’ यो भनाईले गायक जेपी नेम्बाङको जीवनमा मेल खान्छ । लामो संघर्ष र गहिरो साधना पछि नेम्बाङको साँगीतिक यात्राले मेसो पाएको छ । पान्थरको फाक्तेपमा सामान्य परिवारमा उनी जन्मिए...

तर पनि ‘आइ लभ यु ओली बा’ !

बालुवाटारबाट ‘बा’ले बारम्बार ‘ताजा जनमत’को नाममा जनमतकै अवमूल्यन गरे । सार्वभौम संसदलाई निहीत स्वार्थमा दुई पटकसम्म घाट पुर्याए । उनै ‘बा’लाई बालकोट पुर्याउन २ हजार गाडी र २५ सय मोटरसाइकले स्कटिङ गर्ने केटो महेशहरूको ल्याकत...

मुस्कुराई रहने गायिका ‘खुशी’

गायिका खुशी थुलुङ राई, आफ्नो जन्म गाउँ सन्दकपुर इलाम छोडेर साँगीतिक धरातलमा भविष्य रोप्न राजधानी छिरेको ७ वर्ष भयो । सन्दकपुरको काखमा नाचेर विताएको बाल्यकालको सम्झना खुब आउँछ उनलाई । सानो छँदाको रुची नृत्यमा थियो...

गर्मीमा सौन्दर्य कायम राख्ने घरेलु उपाय

मानवीय जीवनमा सौन्दर्य अपरिहार्य बन्दै गईरहेको छ । अरुको सामु सुन्दर देखिने सबैको इच्छा हुन्छ । सुन्दरता देखासिखीको लागि मात्र होइन सफल जीवनका लागि पनि अति नै आवश्यक हुने गर्दछ । आकर्षक व्यत्तित्वले आत्मविश्वास जगाउँछ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।