कमल,१ चैत । झापाको कमल गाउँपालिका –४ मा रहेको नवज्योति सयपत्री क्लबको एक टोलीले विभिन्न योजनाको वजेट माग राख्दै १ नम्वर प्रदेश सरकारको ध्यानाकर्षण गराएको छ ।

क्लवको पदाधिकारी, सदस्य तथा सरोकारवाला पक्षको समेत सहभागिता रहेको एक टोलीले सोमबार प्रदेश १ कार्यालय विरानटनगर पुगेर सम्बन्धित मन्त्रालय समक्ष त्यस्तो माग पत्र बुझाईएको क्लवका अध्यक्ष भिम अधिकारीले बताए ।

क्लवले निर्माण शुरु गरेको ब्याडमिन्टन कोर्ट तथा सोहि वडामा अवस्थित किरात भवन तथा सङ्गग्रालय निर्माणका लागि आवश्यक बजेट विनियोजन गर्न माग गरिएको उनले जनाएका छन् । टोलीले आर्थिक मामिला मन्त्री इन्द्रबहादुर आङवो लगायतका सरकारी अधिकारीसँंग भेट गरी मागपत्र बुझाएका थिए ।

टोलीमा कमलका राजनीतिक तथा सामाजिक व्यक्तित्व हुकुमसिङ राई, माओवादी केन्द्र कमलका अध्यक्ष रबिन गुरुङ, कांग्रेस प्रदेश सभा (क ) का कोषाध्यक्ष बदी राई, कमल ४ का कांग्रेस सभापति सागर राई ,जितेन राई लगायतको सहभागिता रहेको थियो ।