चैत ९, दमक । किरात याक्थुङ चुम्लुङ जिल्ला कार्यसमिति झापाले आज संगठन तथा राष्ट्रिय जनगरणा प्रक्षिक्षण कार्यक्रम २०७७ को आयोजना गरेको हो ।
चुम्लुङको दमक नगरसमितिले व्यवस्थापन गरेको झापा जिल्ला अध्यक्ष सेसेहाङ फियाकको अध्यक्षता, चुम्लुङका केन्द्रीय अध्यक्ष योगराज वनेमको प्रमुख आतिथ्यतामा दमकमा रहेको किरात भवनमा सम्पन्न भएको हो ।

मजबुद विश्वसनिय लिम्बु जनसंख्या निर्माणका लागि जनगरणामा सबै सहभागी बनौं भन्ने नाराको साथमा सम्पन्न भएको सो कार्यक्रममा स्वागत मन्तव्य राख्दै चुम्लुङका दमक नगर अध्यक्ष देबेन्द्र चेम्जोङले सबै लिम्बु जातिहरुले जातको महलमा लिम्बू, धर्मको महलमा किरात र भाषाको महलमा लिम्बू लेखाउन आग्रह गरेका थिए ।

केन्द्रिय अध्यक्ष वनेमको प्रमुख प्रशिक्षणमा सम्पन्न भएको सो कार्यक्रममा केन्द्रीय उपाध्यक्ष्यहरु कमल तिगेला, याम योङहाङ , केन्द्रीय सदस्य बिष्णु देवी चेम्जोङ, राष्ट्रिय सदस्य गुमानसिङ सम्बाहाङफे , प्रदेश सदस्य इक्सा सम्बाहाङफे लगायतको उपस्थीति रहेको थियो ।

कार्यक्रमका केहि तस्बीरहरुः