मङ्गलबार, १२ साउन, २०७८ 

याक्थुङ हाक्पारे साम्लो सजुमले पुरस्कार वितरण गर्यो

प्रथम विश्वव्यापी अनलाइन साम्लो २०७७ को आज पुरस्कार वितरण तथा साँगीतिक कार्यक्रम सम्पन भएको छ ।

याक्थुङ हाक्पारे साम्लो सजुमले आयोजना गरेको विश्वव्यापी अनलाईन साम्लो प्रतियोगिताका विजेताहरुलाई पुरस्कार वितरण एवं सम्मान गरिएको सो कार्यक्रम सजुमका अध्यक्ष इक्साहाङ चेम्जोङको सभापतित्व, प्रदेश १ का पूर्व अर्थमन्त्री इन्द्र बहादुर आङ्बोको प्रमुख आतिथ्य र किरात याक्थुङ चुम्लुङका प्रदेश १ अध्यक्ष धुर्व मेन्याङ्बोको विशिष्ट आतिथ्यमा दमकमा रहेको किरात भवनमा सम्पन्न भएको थियो ।

प्रतियोगीतामा प्रथम अमरजंग केदेम, द्धितिय गरिमाया लिम्बु र तृतिय मुक्ति इधिङगो प्रसशा पत्र सहित नगदराशी क्र.म.स. ५५ हजार, ३० हजार र २० हजार प्रमुख अतिथिको हस्तवाहुलीबाट प्रदान गरिएको थियो । साथै विभिन्न उप शिर्षक विजेता हुनेहरु १० जनालाई प्रसंशा पत्रले सम्मान गरिएको थियो । अनलाई मार्फत भिडियो उपलब्ध गराई सहभागी भएका २ सय बढी प्रतिष्पर्धीहरुबाट निर्णायकहरु कलाकार यासेली योङहाङ, लोकप्रिय गायिका झुमा लिम्बु र कवि मधु केरुङले छनौट गरेको आयोजक समिति सदस्य इन्दिरा नेम्बाङले जानकारी दिइन ।

कार्यक्रममा बोल्दै प्रमुख अतिथि आङबोले प्रदेश १ को नाम लिम्बुवान राखेता पनि आफुलाई आपत्ती नरहेको बताएका छन् तर प्रदेश १ मा खम्बुवान प्रान्त पनि पर्न गएको कारण सबैलाई समेट्ने गरी किरात नाम राख्न उपयूक्त हुने बताए जसको समर्थनमा आफु रहेको पनि बताएका थिए । साथै लिम्बुवानका विषयमा आफुले दिएको अविव्यक्तिको गलत अर्थ लागेको भन्दै आफ्नो आसय त्यस्तो नभएको पनि स्पष्ट पारेका थिए ।

कार्यक्रममा प्रतियोगीहरुले हाक्पारे साम्लो प्रस्तुत गरेका थिए । कार्यक्रम निर्णाय समेत रहेका कवि मधु केरुङले संचालन गरेका थिए ।

सम्बन्धित समाचार

‘कल्चरल’ गायक जेपी नेम्बाङ

‘बसे लेउँ लाग्छ, हिडे छेऊ लाग्छ ।’ यो भनाईले गायक जेपी नेम्बाङको जीवनमा मेल खान्छ । लामो संघर्ष र गहिरो साधना पछि नेम्बाङको साँगीतिक यात्राले मेसो पाएको छ । पान्थरको फाक्तेपमा सामान्य परिवारमा उनी जन्मिए...

मरी सकेको सपनाले पुर्न जीवन पायो– निरन्ता नेम्बाङ

गायिका निरन्ता नेम्बाङको चर्चा चुलिँदो छ । उनले २०७६ मा गायनमा डेब्यु गरिन् । पहिलो गीत थियो– ‘माया जालमा परेपछि ।’ जसमा राज आँसु लिम्बुको शब्द रचना एवं उदिम राईको संगीत सुन्न सकिन्छ । नेपाली...

तर पनि ‘आइ लभ यु ओली बा’ !

बालुवाटारबाट ‘बा’ले बारम्बार ‘ताजा जनमत’को नाममा जनमतकै अवमूल्यन गरे । सार्वभौम संसदलाई निहीत स्वार्थमा दुई पटकसम्म घाट पुर्याए । उनै ‘बा’लाई बालकोट पुर्याउन २ हजार गाडी र २५ सय मोटरसाइकले स्कटिङ गर्ने केटो महेशहरूको ल्याकत...

मुस्कुराई रहने गायिका ‘खुशी’

गायिका खुशी थुलुङ राई, आफ्नो जन्म गाउँ सन्दकपुर इलाम छोडेर साँगीतिक धरातलमा भविष्य रोप्न राजधानी छिरेको ७ वर्ष भयो । सन्दकपुरको काखमा नाचेर विताएको बाल्यकालको सम्झना खुब आउँछ उनलाई । सानो छँदाको रुची नृत्यमा थियो...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।