गीतकार आन्छुमे नसानको पालम सार्वजनिक भएको छ । लामो समय देखि लिम्बु भाषामा गीत लेखेर लोकप्रियता कमाएका आन्छुमे नसानले दमक झापाबाट संचालित माङसेबुङ न्यूज टिभीबाट पालम सार्वजनिक गरेका हुन् ।

चर्चित गायिका मनु नेम्बाङ र नरेश लिङ्देनको सुमधुर स्वर, नरेश लिङदेनको संगीत संकलन रहेको पालम निङ्वासोको म्यूजिक भिडियो गीतकार स्वयमले निर्देशन गरेका छन् । इलामको माङसेबुङको सेरोफेरोमा छायाङ्कन गरिएको भिडियोमा गंगा फियाक र नोसनन सुसेलीको मुख्य भुमिका रहेको छ ।
असोक लोहोरुङको संगीत संयोजनमा बनेको पालम एभरेष्ट स्टुडियो काठमाण्डौबाट रेकर्ड गरिएको छ । छायाङ्कनकार प्रविन सेलिङ सेन्दो खिचेको भिडियो अत्यन्त मौलिक र जिवन्त बनेबको छ ।

निङ्वासोमा गाउँले जीवनको मौलिक जीवनशैली प्रस्तुत गर्न खोजिएको छ । जसमा धान नाच्दा नाच्दै केटीले माया पिरती बसेको त्यसपछि विवाह भएको कल्पनामा डुबेको कथाबस्तु समेटिएको छ । कथा बग्दै जादा किराती संस्कारका लोभलाग्दा किस्साहरु देख्न पाइन्छ । जस्तै धान नाच्ने क्रममा केटा र केटीको खुट्टा टेकिएमा ढोगेर माफी माग्ने चलनलाई आकर्षक रुपमा प्रस्तुत छ । लिम्बु समुदायमा धान नाचेर जितेमा विवाह गर्ने प्रचलन रहको छ । धान नाच लिम्बुहरुको पुरानो संस्कृती हो, जुन जीवन पर्यन्त रहनेछ भन्ने सारमा भिडियो बनेको छ ।

पुरा भिडियो हेर्न तलको लिङक लगइन गर्नुहोसः