पत्रकार मञ्च दमकले आज ११औ वार्षिक साधरणसभा सम्पन्न गरेको छ ।

पत्रकार मञ्च दमकका अध्यक्ष मन कुमार गदालको अध्यक्षता, राष्ट्रिय सभा सदस्य देवेन्द्र दाहालको प्रमुख आतिथ्यता र दमक उद्योग बाणिज्य संघका अध्यक्ष गोकुल श्रेष्ठको विशेष आतिथ्यतामा कार्यक्रम सम्पन्न भएको हो ।

कार्यक्रममा प्रेस नेपालका केन्द्रीय उपाध्यक्ष कमन देवान, पत्रकार महासंघ प्रदेश १ का सभासद मीन प्रकास उप्रेती, प्रेस संगठन नेपाल झापा संयोजक टिकाराम उप्रेती, मञ्चका संस्थापक अध्यक्ष गञ्ज बहादुर दाहाल, पुर्व अध्यक्षहरु भुपेन्द्र तिम्सिना, कृष्ण कार्की, गोपाल झापाली र निवर्तमान अध्यक्ष बिष्णु पोख्रेलको उपस्थीति रहेको थियो ।

पूर्व अध्यक्ष कृष्ण कार्कीको संयोजकत्वमा गोपाल झापाली र भुपेन्द्र तिम्सिना रहेको तीन सदस्यीय अध्यक्ष मण्डल गठन गरी सो अध्यक्ष मण्डलले संचालन गरेको बन्दसत्रले अध्यक्षको प्रतिवेदन, साँगठानिक प्रतिवेदन, आर्थिक प्रतिवेदन र पत्रकार अक्षयकोषको कार्यविधि २०७७ सर्वसम्मत रुपमा अनुमोदन गरेको थियो ।

सोही अवसरमा पत्रकार मञ्च दमकले संचालन गरेको पत्रकार अक्षयकोषका लागि प्रमुख अतिथि देवेन्द्र दाहालबाट रु ५० हजार, विशेष अतिथि गोकुल श्रेष्ठबाट रु ५ हजार ५ सय ५५ रुपैया सहयोग रकम प्राप्त भएको थियो ।कार्यक्रम संस्थाका सचिव देशराज नेम्बाङले संचालन गरेका थिए ।