बिहिबार, २९ पुष, २०७८ 

दमक फुड फेस्टिबल सम्पन्न

झण्डै एक बर्ष लामो कोरोना संक्रमण र त्यसका कारण सरकारले जारी गरेको लकडाउनका पछि पहिलो पटक होटल ब्यवसायी सघं दमकले एक साता लामो दमक फुड फेस्टिबल २९ गते सम्पन्न गरेको हो ।

२९ गते अन्तिम दिन चर्चित गायिका ज्योती मगरको प्रस्तुतीसँगै कार्यक्रम सम्पन्न भएको हो । उक्त कार्यक्रममा नेपालका चर्चित कलाकारहरु गायिका मेलीना राई, चर्चित र्यापरहरु भिटेन, आषिष राना (लाहुरे) हास्यकलाकार सन्दिप क्षेत्री, नेपाल आइडल फष्ट रनरप निसान भट्टराई ,गायिका सिर्जना खत्री,नृत्यकार रिया श्रेष्ठ लगायत स्थानिय कलाकारहरुको प्रस्तुती रहेको थियो ।

फुड फेस्टिबलमा रवी पञ्चमीको स्कुसको जराको चप, धिमाल जातिको मौलिक परिकार, तामाङ्ग जातिका परिकारहरु, नेवारी खाना, भर्काको परिकारहरु लगायत ४८ वटा स्टलहरु राखिएको थियो ।

फेस्टिबलका कारण लकडाउनको लामो अस्तव्यस्त जीवनशैलीबाट स्थानियले केही राहत महसुष गरेको प्रतिक्रिया पाएको संघका अध्यक्ष राजेन्द्र दंगालले जानकारी दिनुभयो ।

कार्यक्रमको अन्तिम दिन सबै संचारकर्मीहरुलाई मायाको चिनो प्रदान गरिएको थियो । दमकका सक्रिय पत्रकार टिकाराम उप्रेतीलाई नगद रु ५ हजार सहित दोसल्ला ओडाएर सम्मान गरिएको थियो ।

करिब ४५ हजार जनाले अवलोकन गरेको फेस्डिबलमा ५० लाख बढीको कारोबार भएको आयोजक समिति सदस्य काजी राउतले जानकारी दिनु भयो । संचारकमी तृष्णा रेग्मीले संचालन गरेको सो कार्यक्रम चर्चित गायिका मगरले राती अवेरसम्म रोचक प्रस्तुती दिएसँगै समापन भएको थियो ।

फेस्टिबलका केही तस्बीरहरु

सम्बन्धित समाचार

द भोईस अफ किड्समा ‘नुमा राई’ जिताउन अभियान समिति गठन

द भोईस अफ किड्स नेपालको भोटिङ राउण्डमा पुगेकी माङ्सेबुङ गाउँपालिका ६ की नुमा राईलाई जिताउन ‘नुमा राई जिताउऔँ अभियान समिती’ गठन गरिएको छ । माङ्सेबुङ गाउँपालिकाका अगुवा तथा जनप्रतिनीको सल्लाकार समिती सहित धनजित रुङ्माङ राईको...

फाल्गुनन्द साकोस बिर्तामोड सेवाकेन्द्रका लागि उपसमिति गठन

फाल्गुनन्द साकोस दमकले विर्तामोड सेवा केन्द्रको दोस्रो कार्यकालका लागि सोमबार उपसमिति पूर्नगठन गरेको छ । दमक ६, लिङदेन मार्गमा प्रधान कार्यालय रहेको फाल्गुनन्द बचत तथा ऋण सहकारी संस्थाको बिर्तामोड सेवाकेन्द्रका लागि बिमला फुयाँलको सह–संयोजकत्वमा उपसमिति...

निरन साम्पाङको निर्देशनमा हामीले देख्ने घाम जुन सार्वजनिक

गीतकार शिरेन बान्तवाको शब्द रचना, पारस मुकारुङको संगीत र राजेश पायल राईको आवाजमा रहेको गीतको म्युजिक भिडियो हामीले देख्ने घामजुन सार्वजनिक भएको हो । लघु चलचित्र लेखन तथा निर्देशन गर्दै आएका निरन साम्पाङले दोस्रो म्यूजिक...

जसपाले आचार्यविरुद्ध मतदान गर्ने

  बिराटनगर, १५ कार्तिक । जनता समाजवादी पार्टी, नेपाल (जसपा) प्रदेश १ प्रदेश सभा संसदीय दलको बैठकले मुख्यमन्त्री भीम आचार्यका विरुद्ध मतदान गर्ने निर्णय गरेको छ । जसपा प्रदेश १ संसदीय दलका नेता जयराम यादवले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।