शुक्रबार, ०४ असार, २०७८ 

दमक अपाङ्ग सहयोग समितिको वार्षिक साधारणसभा सम्पन्न

 

दमक अपाङ्ग सहयोग समितिको आज वार्षिक साधारण सभा सम्पन्न भएको छ । दमक ४, ताराबारीमा रहेको प्रदेश स्तरीय एकिकृत अपाङ्गता पुनः स्थापना केन्द्रको प्राङ्गणमा दमक अपाङ्ग सहयोग समितिका अध्यक्ष खगेन्द्र भट्टराईको अध्यक्षता र प्रदेश १ का सामाजिक विकास राज्यमन्त्री माननिय जसमाया गजमेरको प्रमुख आथित्यतामा सम्पन्न भएको थियो । कार्यक्रममा दमक नगरपालिमा प्रमुख रोमनाथ ओली, उपप्रमुख गीता अधिकारीको उपस्थीति रहेको थियो ।

साधारण सभाको अवसरमा २९ जना अपाङ्गता भएका बालबालिकाले शारिरीक नापजाँचका लागि नाम दर्ता गरएका थिए । जसमध्ये पाइताला फर्किएका ( दुर्घटना चोटपटकबाट अंग गुमाएका ) १० जना, पक्षघातबाट प्रभावित ५ जना, ओठ तालुको समस्या भएका २ जना र अन्य ११ हाडजोर्नी सम्बन्धी समस्या भएका बालबालिकाहरु रहेका थिए । उनीहरुलाई कृतिम अंग र सहायक उपकरण वितरण गरिएको अपाङ्ग बाल अस्पताल इटहरी शाखा इन्चार्ज मधुसुधन अधिकारीले बताए ।

सोही अवसरमा भवन निमार्ण सामाग्री प्रदान गर्ने दाता दिनेश कटुवाल, जग्गा दाताहरु रुद्रप्रसाद तिम्सिना, पुष्पा तिम्सिना, ऐश्वर्य तिम्सिना र उर्मिला तिम्सिनालाई सम्मान पत्र र दोसल्ला ओडाइ सम्मान गरिएको थियो ।

प्रमुख अतिथि गजमेरले कार्यक्रममा बोल्दै अपाङ्गता भएका व्याक्तिहरुले सम्मान पूर्वक जीवन यापन गर्न र उनीहरुको सीप, दक्षताको उपयोग गर्न पाउनु पर्नेमा जोड दिएका थिए । उनले भने ‘‘ यसको निम्ति ६९ वटा जिल्लाहरुमा स्थानिय सरकार, प्रदेश सरकार र करुणा फाउण्डेसनको त्रिपक्षिय साझेदारीमा अपाङ्गता रोकथाम तथा पुनः स्थापना कार्यक्रम संचालन गरेको छ । आगामी वर्षमा सबै स्थानिय तहहरुसँग यो कार्यक्रम गर्ने तयारी प्रदेश १ सरकारले गरेको छ ।’’

कार्यक्रम समापन गर्दै अध्यक्ष भट्टाराइले आगामी ८२ साल सम्ममा अपाङ्गता प्रदेश १ कै भव्य अपाङ्गता पुनः स्थापना केन्द्रको भवन निर्माण गर्ने लक्ष्य रहेको र यसका लागि सम्पूर्ण सरोकारवालाहरु लागिपर्न अनुरोध गरेका थिए । कार्यक्रम समितीका सचिव मदन बोहोराले संचालन गरेका थिए ।
पूरा भिडियो हेर्न लिङ्कमा लगइन गर्नहोस्ः

सम्बन्धित समाचार

वैदेशिक रोजगारमा निखारिएका एक सर्जक

मोरङ जिल्लाको उर्लाबारीमा रहेर साहित्य सिर्जना गरिरहेका छन् दिलिप राई सगर । पछिल्लो समय गीतलेखनमा बढि लगाव दिइरहेको सागरले मलेसियामा रोजगारको लागि पुग्दा बढि साहित्यलाई मलजल गर्न गराउन पाए । मलेसियामा रहँदा केस्रा नामक साहित्यिक...

निरन्ताको पालम ‘लाम्देम्बा मिम्जी’

गायिका निरन्ता नेम्बाङले लकडाउन बाबजुट ‘लाम्देम्बा मिम्जी’ पालम सार्वजनिक गरेकी छिन् । पछिल्लो समयमा लिम्बु समुदायको संस्कृतीमा आधारित पालम, हाक्फारे साम्लो गाएर लोकप्रियता हासिल गर्दै गरेकी नेम्बाङले आफ्नै शब्द र लय संकलनमा पालम सार्वजनिक गरेकी...

चीनदेखि आईपुग्यो ९ लाख खोप, जेठ २५ बाट खोप अभियान सुरु गरिने

चीन सरकारले दिएको अनुदान स्वरूप दिएको १० लाखमध्ये ९ लाख खोप मंगलबार काठमाडौं आइपुगेको छ । नेपाल वायुसेवा निगमको जहाजले ८ लाख र एक लाख हिमालय एयरलायन्सले तिब्बतको केरुङबाट लिएको हो । बाँकी एक लाख...

जसपा नेपाल प्रदेश १ ले सरकारलाई दियो चुनौती

अध्यादेश मार्फत ल्याएको अािर्थक वर्ष २०७८/०७९ को बजेट अलोकतान्त्रिक भएको भन्दै जनता समाजवादी पार्टी प्रदेश १ समितिले प्रेस विज्ञप्ती जारी गरेको हो । विज्ञप्तीमा, असंवैधानिक र स्वेच्छाचारी कदममार्फत केपी शर्मा ओली नेतृत्वको काम चलाउ सरकारले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।