इलाम: दम रोगी राईले आर्थिक सहयोगको याचना गरे इलामको चुलाचुली गाउँपालीका ३, सुकुना टोल विकास संस्था निबासी हस्तबहादुर राईले आर्थिक सहयोगको अपिल गरेका छन् । चोयाको भकारी, चित्रा, ढोको बुनेर परिवारको दैनिक गुजारा गर्दै आएका हस्त बहादुरलाई विगत ६ महिना देखी दम रोग लागेर थलिएपछि दैनिक गुजारा गर्न गारो भएको हो । आम्दा हस्पिटलबाट उपचार खर्च धान्न नसकेर रिफर गरिएका उनलाई श्वाश फेर्न गाह्रो हुन्छ । सामान्य अवस्थामा श्वासप्रश्वास गर्नका लागि अक्सिजन प्रयोग गर्नु पर्ने हुन्छ । दैनिक एक सिलिण्डर अक्सिजन लाग्ने गर्छ । अहिले उनको परिवारको लागि अक्सिजन भर्न र घरसम्म ल्याउन लाग्ने खर्ज रु ८ सय कसरी जुटाउँनु भन्ने समस्या मुख्य समस्या भएको छ । राईका लागि आर्थिक सहयोग संकलन गर्न चुलाचुली गाउँपालिका ३ को बडा कार्यालयबाट सिफारीस लिई सहयोग संकलन गरेर रु १० हजार उपलब्ध गराएको सुकुना टोल विकास संस्थाका अध्यक्ष केशव गुरागाईले जानकारी दिए ।