आइतबार, ०६ असार, २०७८ 

शिवसताक्षीमा लिम्बुवान भोलेन्टियर्स गठन

शिवसताक्षी। झापा, शिवसताक्षीमा संघीय लिम्बुवान मञ्च, नेपाल अन्तर्गत लिम्बुवान भोलेन्टियर्स (एल.भी.) नगर कमाण्ड गठन भएको छ ।

कार्यक्रमका प्रमुख अतिथि मञ्चका केन्द्रीय उपाध्यक्ष ज्ञानुहाङ् इम्बुङ्द्वारा निर्वाचित कमाण्डरहरुलाई मञ्चको विधान र भोलेन्टियर्सको विनियम अनुसार कमाण्डरहरुलाई सफत खुवाइएको छ ।
यो संगै कमाण्डरहरुलाई विभागिय जिम्मेवारी दिने निर्णय समेत एल.भी. केन्द्रीय कमाण्डले जनाएको छ ।
विशेषत अरुण पूर्व नौ जिल्लालाई ऐतिहासिक पृष्ठभूमिको आधारमा लिम्बुवान स्वायत्त राज्य निर्माणको निमित्त विगत १५ बर्ष देखि एल.भी.हरु लिम्बुवान भूमि रक्षाको निमित्त विना वर्दी र विना हतियार आन्दोलनरत युवाहरुको समूहलाई लिम्बुवान भोलेन्टियर्स एल.भी. भनेर मञ्चले स्वयम्सेवकको रुपमा नौ जिल्लामा परिचालित गरेको छ ।

मञ्चका केन्द्रीय सचिव तथा एल.भी. प्रवक्ता राजु राईले लिम्बुवान भोलेन्टियर्सहरु भूमि रक्षक भएकाले देश संघीयतामा गएतापनि राज्य सत्ता पुरातन प्रवृधिमा गई पुरानै पञ्चायती शैलीमा शासन सत्ता चलाउने दुस्साहस गरेको हुँदा भोलेन्टियर्सहरुलाई सक्रिय बनाउन सबै स्थानीय स्तरमा कमाण्ड गठनलाई तिब्र बनाएको बताए । त्यसैगरी उनले भने, अब सरकार हरेक ढंगबाट सत्ता संचालनमा चुकि सकेको हुँदा जबसम्म पहिचानमा आधारित लिम्बुवान सहितको १०+१ प्रान्तमा राज्यको पुनःसंरचना हुँदैन एल.भी.हरु लड्न तयार भएको बताए । त्यसैगरी उक्त गठन कार्यक्रममा मञ्चका केन्द्रीय सचिवालय सदस्य भिम सुनुवार, पहिचान सदस्य तथा शिवसताक्षी नगर संयोजक प्रकाश लिङ्देन, जिल्ला नेता शुभानसिंह कुरुम्बाङ् त्यसैगरी लिला लावती, अर्जुन लावती, विचारी लावती लगायत नेताहरुको कार्यक्रममा उपस्थिति रहेको थियो ।

उक्त कमाण्ड गठन कार्यक्रममा उपफिल्ड कमाण्डरहरुमा सन्जीव परियार, रतन सिगु, सञ्जय सिगु, दिल कुमार इङ्नाम चयन भएका छन् भने फिल्ड कमाण्डरहरुमा साजन सेर्मा, राजेन्द्र सेर्मा, सविन चेम्जोङ् नियुक्त भएका छन् । त्यसैगरी उक्त कार्यक्रममा ३५ सदस्य एल.भी. कमाण्ड गठन गरिएको नगर संयोजक प्रकाश लिङ्देनले बताए ।

कार्यक्रम लिम्बुवान भोलेन्टियर्स सिनियर फिल्ड कमाण्डर सुमन सम्बाहाम्फेको अध्यक्षता र सिनियर फिल्ड कमाण्डर बादल राईको संचालनमा सम्पन्न भएको हाे । यो संगै सबै वार्डहरुमा एल.भी. वार्ड कमाण्ड समेत गठन गर्दै जाने नेता लिङ्देनले बताएका छन् ।

 

सम्बन्धित समाचार

वैदेशिक रोजगारमा निखारिएका एक सर्जक

मोरङ जिल्लाको उर्लाबारीमा रहेर साहित्य सिर्जना गरिरहेका छन् दिलिप राई सगर । पछिल्लो समय गीतलेखनमा बढि लगाव दिइरहेको सागरले मलेसियामा रोजगारको लागि पुग्दा बढि साहित्यलाई मलजल गर्न गराउन पाए । मलेसियामा रहँदा केस्रा नामक साहित्यिक...

निरन्ताको पालम ‘लाम्देम्बा मिम्जी’

गायिका निरन्ता नेम्बाङले लकडाउन बाबजुट ‘लाम्देम्बा मिम्जी’ पालम सार्वजनिक गरेकी छिन् । पछिल्लो समयमा लिम्बु समुदायको संस्कृतीमा आधारित पालम, हाक्फारे साम्लो गाएर लोकप्रियता हासिल गर्दै गरेकी नेम्बाङले आफ्नै शब्द र लय संकलनमा पालम सार्वजनिक गरेकी...

चीनदेखि आईपुग्यो ९ लाख खोप, जेठ २५ बाट खोप अभियान सुरु गरिने

चीन सरकारले दिएको अनुदान स्वरूप दिएको १० लाखमध्ये ९ लाख खोप मंगलबार काठमाडौं आइपुगेको छ । नेपाल वायुसेवा निगमको जहाजले ८ लाख र एक लाख हिमालय एयरलायन्सले तिब्बतको केरुङबाट लिएको हो । बाँकी एक लाख...

जसपा नेपाल प्रदेश १ ले सरकारलाई दियो चुनौती

अध्यादेश मार्फत ल्याएको अािर्थक वर्ष २०७८/०७९ को बजेट अलोकतान्त्रिक भएको भन्दै जनता समाजवादी पार्टी प्रदेश १ समितिले प्रेस विज्ञप्ती जारी गरेको हो । विज्ञप्तीमा, असंवैधानिक र स्वेच्छाचारी कदममार्फत केपी शर्मा ओली नेतृत्वको काम चलाउ सरकारले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।