सोमबार, ११ असोज, २०७८ 

यूकेबाट सानुसालाई अहिलेसम्मकै ठूलो सहयोग रकम प्राप्त

दमक। मुटु र दुवै मृगौलामा खराब भई उपचार गराइरहेकी आर्थिक अवस्था कमजोर भएकी पाँचथर मिक्लाजुङ ५ की सानुसा लावतीलाई अहिलेसम्मकै ठूलो आर्थिक सहयोग रकम दमकमा हस्तान्तरण गरिएको छ । कुरुम्बेली समाज सेवा संघ दमकले आइतबार पापोहाङ् लाओती सयङ्को केन्द्रीय कार्यालयमा एक कार्यक्रम गरी सो रकम हस्तान्तरण गरेको हो ।

बेलायत (युके)मा लामो समय देखि बस्दै आउनुभएका यदुचन्द्र लाओती र देउमान लाओतीको पहलमा ५ लाख ९७ हजार एक सय पच्चीस रुपैयाँ कुरुम्बेली समाज सेवा संघ दमकका अध्यक्ष ऐमान सिं लाओती र पापोहाङ् लाओती सयङ्का अध्यक्ष जगतजंग लाओतीद्वयको हातबाट सो रकम हस्तान्तरण गरिएको हो ।

त्यसैगरी उक्त कार्यक्रममा मिना लावतीको पहलमा इजरायल र कतारमा कार्यरत नितु लावती, दिपा लावती, एन्जीला लावती र सन्त लावतीबाट प्राप्त २० हजार रुपैयाँ समेत विरामी लावतीलाई हस्तान्तरण गरिएको छ ।

झापा दमकको बहुमुखी क्याम्पसमा स्नातक तहमा अध्ययनरत सानुसा लावती केही महिना देखि सिस्टमेटिक लिपस इन्थ्योमाटोस्को कारण मुटु र दुवै मृगौला खराब भई विराटनगर नोवेल हस्पिटलमा उपचार गराइरहेकी छन् ।

लिम्बु विद्यार्थी मञ्च, झापाकी उपाध्यक्ष समेत रहेकि लावतीको उपचारमा विभिन्न संघ संस्था र शुभचिन्तकहरुबाट आर्थिक सहयोग जुट्नेकाम भईरहेको सहज कर्ता गगन लावतीले बताए । उनले –उनको उपचारमा सहयोगी मनहरुबाट निरन्तर सहयोग प्राप्त भईरहेको हुँदा विरामीको उपचारमा थप मद्दत पुग्ने बताए ।

उक्त रकम हस्तान्तरण कार्यक्रममा पापोहाङ् लाओती सयङ्का पूर्व सचिव तथा सामाजिक व्यक्तित्व धिरेन लावती, संचारकर्मी दिलकुमार लावती, कुरुम्बेली समाज सेवा संघका अन्य पदाधिकारीहरु कमला लावती, मिलन लावती, दिनेश लावती समेतको उपस्थिति रहेको थियो । कार्यक्रम वीर बहादुर लावतीले सहजीकरण गरेका थिए ।

सम्बन्धित समाचार

फाल्गुनन्द साकोसको अध्यक्षमा पुन: लिङ्देन निर्वाचित

दमक । फाल्गुनन्द बचत तथा ऋण सहकारी संस्थ लि. को अध्यक्षमा पुन: संकल्प लिङ्देन (पदम) निर्वाचित भएका छन । दमकको कास्मिक पार्टी प्यालेसमा बिहीबार सम्पन्न १० औ साधारण सभा पछि नया नेतृत्वको लागि अध्यक्ष र...

भ्रामक र तथ्यहिन प्रचारका पछि नलाग्न शेयर सदस्यलाई अध्यक्ष लिङ्देनको अपिल

  दमक, ६ असोज /  दमकको पुरानो तथा चर्चित फाल्गुनन्द बचत तथा ऋण सहकारी संस्था १०औं बार्षिक साधारणसभाबाट नेतृत्व छनौट गर्ने तयारीमा जुटेको छ । संस्थाले सहमतिमा नेतृत्व छान्ने कसरत गरेपनि सहमति जुट्न सकेको छैन...

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।