बुधबार, २८ पुष, २०७८ 

शहीद ’माङ्तोक’को स्मृति दिवसमा रक्तदान

बिर्तामोड। लिम्बुवानका आधुनिककालका प्रथम राष्ट्रिय शहीद राजकुमार आङ्देम्बे ‘माङ्तोक’को १३औ स्मृति दिवसको अवसर पारेर रक्तदान कार्यक्रम सम्पन्न भएकाे छ । संघीय लिम्बुवान मञ्च, नेपाल बिर्तामोड नगर समितिकाे अायाेजनामा उक्त रक्तदान कार्यक्रम सम्पन्न भएकाे हाे ।

नेपालको ऐतिहसिक प्रथम संविधानसभाको चुनाब पूर्ण समानुपातिक प्रणालिको आधारमा हुनुपर्ने र पहिचानसहितको लिम्बुवान १० १ प्रान्त हुनुपर्ने माग गर्दै भएको अनिस्चितकालिन लिम्बु वान आमहड्तालको क्रममा २०६४ साल असोज २० गते कमल गाउँपालिकाको कमल खोला किनारमा आन्दोलनका क्रममा राजकुमार आङ्देम्बे’माङ्तोक’ले शाहद्त प्राप्त गरेका थिए ।

नेपाल रेडक्रस सोसाइटी बिर्तामोड उपशाखाको प्राविधिक सहयोगमा भएको रक्तदान कार्यक्रममा १६ जनाले रक्तदान गरेको संघिय लिम्बुवान मञ्च नेपाल जिल्ला कार्यसमिति झापाका सचिव राजा आङ्थुपोले जानकारी दिए ।

 

कार्यक्रम संघिय लिम्बुवान मञ्च नेपालका प्रान्तिय वरिष्ठ उपाध्यक्ष ज्ञानबहादुर गुरुङकाे प्रमुख अातिथ्यतामा सम्पन्न भएकाे थियाे । उपाध्यक्षा गुरूङले शहिदकाे रगतले पाेतिएकाे लिम्बुवान सहितकाे पहिचान अान्दाेलन निरन्तर अगाडि बढिरहने बताए । बरू हामी मछेर जान सक्छाैं तर हाम्राे अान्दाेलन पहिचान स्थापित नभएसम्म निरन्तर रहने गरूङले बताए । उक्त  कार्यक्रममा मञ्चका उपाध्यक्ष ज्ञानबहादुर इम्वुङ, केन्द्रीय सचिव राजु राई, केन्द्रीय सचिवालय सदस्य भक्त मेन्याङ्वो, केन्द्रीय सदस्य नन्दु मेन्याङ्वो, झापा जिल्ला अध्यक्ष धनबहादुर पन्धाक, बिर्तामोड नगर अध्यक्ष रञ्जितमान राई लगायतले लिम्बुवानका आधुनिककालका प्रथम राष्ट्रिय शहीद राजकुमार आङ्देम्बे’माङ्तोक’ले लिम्वुवान आन्दोलनमा पुर्याएको योगदानको चर्चा गरेका थिए ।

त्यस्तै नेपाल रेडक्रस सोसाइटी बिर्तामोड उपशाखाका सभापति सजेश शिवाकोटीले झापामा भइरहेको रगतको अभावलाई मध्यनजर गर्दै संघिय लिम्बुवान मञ्च नेपाल नगर समिति बिर्तामोडले रक्तदान गरेकोमा समितिलाई बधाई दिएका थिए ।

रक्तदान गर्ने रक्तदातालाई प्रमाण पत्र वितरण गरिएको कार्यक्रमको सहजीकरण संघिय लिम्बुवान मञ्च नेपाल जिल्ला कार्यसमिति झापाका सचिव राजा आङ्थुपोले गरेका थिए ।

त्यसैगरी लिम्बुवानका आधुनिककालका प्रथम राष्ट्रिय शहीद राजकुमार आङ्देम्बे’माङ्तोक’को चुलाचुली–१कमल मिलडाँडामा रहेको शालिक अनावरण गरिएको थियो । शालिकको अनावरण संघिय लिम्बुवान मञ्च नेपालका राष्ट्रिय अध्यक्ष कुमार लिङ्देन मिराकले गरेका थिए ।

त्यस्तै कमल सानो केर्खा ’माङ्तोक’ समाधीस्थलमा शहिद राजकुमार आङ्देम्बे ‘माङ्तोक’–मनिल तामाङ् स्मृति प्रतिष्ठानकाे अायाेजनामा  लिम्बुवानका आधुनिककालका प्रथम राष्ट्रिय शहीद राजकुमार आङ्देम्बे ’माङ्तोक’को समाधीमा माल्यापर्ण सहित मौनधारण गरी श्रद्धाञ्जलि अर्पण गरिएकाे छ । साथै  स्मृति पार्क लेखिएकाे वोर्डको समेत संघीय लोकतान्त्रिक राष्ट्रिय मञ्चका अध्यक्ष कुमार लिङ्देन मिराक र शहिद प्रतिष्ठानका अध्यक्ष ज्ञान बहादुर गुरुङ् द्वयबाट उद्घाटन गरिएको छ ।

त्यसैगरी संघीय लिम्बुवान मञ्च, नेपाल जिल्ला कार्य समिति ताप्लेजुङ्, पाँचथर लगायत विभिन्न जिल्लाहरु, नगर र प्रवास कार्य समितिहरुले पनि शहिद राजकुमार आङ्देम्बे माङ्तोकको १३औं स्मृति दिवस भव्यरुपमा मनाएको मञ्चका महासचिव अशोक चेम्जोङ्ले बताएका छन् ।

सम्बन्धित समाचार

द भोईस अफ किड्समा ‘नुमा राई’ जिताउन अभियान समिति गठन

द भोईस अफ किड्स नेपालको भोटिङ राउण्डमा पुगेकी माङ्सेबुङ गाउँपालिका ६ की नुमा राईलाई जिताउन ‘नुमा राई जिताउऔँ अभियान समिती’ गठन गरिएको छ । माङ्सेबुङ गाउँपालिकाका अगुवा तथा जनप्रतिनीको सल्लाकार समिती सहित धनजित रुङ्माङ राईको...

फाल्गुनन्द साकोस बिर्तामोड सेवाकेन्द्रका लागि उपसमिति गठन

फाल्गुनन्द साकोस दमकले विर्तामोड सेवा केन्द्रको दोस्रो कार्यकालका लागि सोमबार उपसमिति पूर्नगठन गरेको छ । दमक ६, लिङदेन मार्गमा प्रधान कार्यालय रहेको फाल्गुनन्द बचत तथा ऋण सहकारी संस्थाको बिर्तामोड सेवाकेन्द्रका लागि बिमला फुयाँलको सह–संयोजकत्वमा उपसमिति...

निरन साम्पाङको निर्देशनमा हामीले देख्ने घाम जुन सार्वजनिक

गीतकार शिरेन बान्तवाको शब्द रचना, पारस मुकारुङको संगीत र राजेश पायल राईको आवाजमा रहेको गीतको म्युजिक भिडियो हामीले देख्ने घामजुन सार्वजनिक भएको हो । लघु चलचित्र लेखन तथा निर्देशन गर्दै आएका निरन साम्पाङले दोस्रो म्यूजिक...

जसपाले आचार्यविरुद्ध मतदान गर्ने

  बिराटनगर, १५ कार्तिक । जनता समाजवादी पार्टी, नेपाल (जसपा) प्रदेश १ प्रदेश सभा संसदीय दलको बैठकले मुख्यमन्त्री भीम आचार्यका विरुद्ध मतदान गर्ने निर्णय गरेको छ । जसपा प्रदेश १ संसदीय दलका नेता जयराम यादवले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।