प्रकृतिप्रेमी डा. दिपा शर्माको अन्तत प्रकृतीको काखमा नै इहलिला समाप्त भयो । प्रकृतीको काखमा आफु पनि रमाउँदै सामाजिक संचाल माफर्त प्राकृतिक सुन्दरता बारेमा अरुलाई पनि जानकारी दिदै हिडेकी दिपाको ज्यान प्रकृतीले लिन्छ भनेर कसैले सोचेको थिएन । न त उनलाई नै त्यस्तो लागेको थियो बस उनी त प्रकृतिको अनुपम सुन्दरतामा लिप्त थिइन ।

यो दुःख लाग्दो घटना भारतको हिमाञ्चल प्रदेशको हो । आइतबारको दिन लामो समय भएको लकडाउनको दिक्दारी मेटाउँन पर्यटकहरु त्यहाँ पुगेका थिए । वर्षाका कारण गएको पहिरोमा परेर ९ जनाको निधन भयो । निधन हुनेमा आयुर्वेद डाक्टर दीपा शर्मा पनि थिइन् । उनले एक तस्वीरको साथमा ‘प्रकृति बिना जिवन छैन ।’ लेखेर पोष्ट गरेको आधा घण्टा नवित्दै प्रकृतीले उनको प्राण लियो ।

सामाजिक संजालमा दिपाको निक्कै सक्रियता थियो । उनी जीवनमा पहिलो पटक एकल यात्रामा निस्केकी थिइन् । प्रकृतीकोे मनमोेहकताबारे मानिसलाई जानकारी दिदै रमाउँदै हिडेकी थिइन् तर त्यो खुशी धेरै समय टिकेन । त्यो पहिलो यात्रा अन्तिम पनि भयो ।

घटनाको आधा घण्टा अघि उनले ट्विट गरेकी थिइन्– ‘ म अहिले भारतको अन्तिम बिन्दुमा उभिएकी छु, जहाँसम्म साधारण नागरिकहरूलाई जान दिइन्छ । तिब्बत यसभन्दा ८० किलोमिटर अगाडि छ, जुन चीनले ओगटेको छ ।’ यसरी अत्यन्त दुखद् र अकल्पनिय रुपमा ३४ वर्षीया दीपा शर्माको इहलीला समाप्त भयो ।