आइतबार, २२ साउन, २०७९ 

सांस्कृतिक पुनर्जागरण अभियानमा लिम्बुहरु जुर्मुराउँदै

दमक। नेपालमा भाषिक, सांस्कृतिक, सामाजिक रुपमा दमन भएको महसुस हुन थालेको पछिल्ला दिनहरुको आन्दोलनहरुले संकेत गरेको छ ।
सांस्कृतिक रुपान्तरणको नाउँमा जातीय पहिचान अथवा अस्तित्व झल्किने नामहरुलाई अप्रभंशित गरेर अथवा सुनियोजित ढंगबाट षडयन्त्र गरेर विभिन्न भौतिक पूर्वाधार अथवा विकासको नारासँगै नामहरुमा परिवर्तन गर्दै लगिएकोमा लिम्बु समुदायहरु एकजुट हुँदै सांस्कृतिक पुनर्जागरण अभियान लिएर आफ्नो थातथलो रहेको ठाउँहरुमा लिम्बु जातीहरु जुर्मुराउँदै गएको शनिबार झापा दमकको किराँत भवनमा सम्पन्न कार्यक्रमले संकेत गरेको छ ।


किरात याक्थुङ चुम्लुङ लिम्बुवान प्रदेश समितिको आयोजना तथा विभिन्न लिम्बु जन्य संघ संस्थाहरुको संयुक्त प्रायोजनमा उक्त सांस्कृतिक पुनर्जागरण अभियान कार्यक्रम सम्पन्न भएको हो ।

कार्यपत्र प्रस्ताेताः- दिलेन्द्र कुरूम्बाङ

कार्यक्रममा लिम्बु भाषा साहित्य विद्व दिलेन्द्र कुरुम्बाङले अहिलेसम्म हामीले के गर्यौ र आगामी दिनमा के गर्न जरुरी छ ? भन्ने बिषयमा एक कार्यपत्र प्रस्तुत गर्दैे भाषा, संस्कार, संस्कृतिलाई बचाउन आफ्नो पहिचान झल्किने संरचनाहरुको नामाकरण यथावत गर्दै लाने अथवा पुनःउत्थान गर्दै लानु पर्नेमा जोड दिएका छन् ।


कार्यक्रमका प्रमुख अतिथि पूर्व राज्यमन्त्री तथा सभासद श्री प्रसाद जवेगुले एकात्मकवादीहरु देशको राजनैतिक गर्ने महत्वपूर्ण ठाउँ हुँदा सांस्कृतिक रुपमा गाउँ ठाउँ स्कुलका नामहरु अतिक्रमण गर्ने काम २००७ सालदेखि २०४६ सम्ममा सबैभन्दा धेरै भएको छ । उनले सांस्कृतिक अतिक्रमण रोक्नको निमित्त तमाम लिम्बु समुदायहरु एकजुट भएर लाग्नु पर्ने बताएका छन् । त्यसैगरी पूर्व माननीय जवेगूले –“नेपालको संविधान २०७२ को धारा ३२ को उपधारा ४ लाई टेकेर सद्भावपूर्ण, सदासयता र तर्कपूर्ण ढंगले आफ्नो अधिकार प्राप्त गर्न राष्ट्रपति, प्रधामन्त्री, मन्त्रीहरुका साथै प्रतिनिधिसभा, प्रदेश सभा र स्थानीय सरकार सबैसँग समन्वय वार्ता गर्न तयार भएको बताएका छन् ।”


कार्यक्रममा बोल्दै लिम्बुवान नेता वीर नेम्बाङ्, मुक्साम मेन्याङ्बो, अशोक चेम्जोङ्, मिसेकहाङ् थाम्सुहाङ् लगायतका वक्ताहरुले सांस्कृतिक पुनर्जागरण कार्यक्रमलाई साथ दिने प्रतिबद्धता गरेका छन् । कार्यक्रममा किरात याक्थुङ् चुम्लुङ् लगायत अन्य जातीय संघ संस्थाका प्रतिनिधिहरु, विभिन्न संघसंस्थाका प्रतिनिधिहरु, विभिन्न राजनैतिक दलका प्रतिनिधिहरुको समेत उपस्थिति रहेको थियो ।


कार्यक्रममा प्रस्तुत गरिएको कार्यपत्र माथि सामूहिक छलफल गर्दै सो कार्यपत्रको केही बुँदाहरुलाई परिमार्जित गर्दै सबै जिल्ला, क्षेत्रहरुमा पु¥याउन चुम्लुङ् प्रदेश समितिलाई उपस्थित जनसुदायले सुझाव दिएका छन् ।

कार्यक्रम कियाचु प्रदेश अध्यक्ष धुर्ब मेन्याङ्बोको अध्यक्षतामा भएको थियो । स्वागत मन्तव्य कियाचु झापा जिल्ला अध्यक्ष भक्त खेवाङ्ले गरेका थिए भने प्रदेशका मुख्य सचिव मधु केरुङ्ले कार्यक्रम संचालन गरेका थिए ।
कार्यक्रममा इलाम, झापा, मोरङ् र सुनसरी जिल्लाबाट १ सय भन्दा बढिको संख्यामा उपस्थित रहेको थियो ।

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।