दमक झापाको दमक ६ मा स्थापित फाल्गुनन्द बचत तथा ऋण सहकारी संस्थाले यही ७ असोजमा गर्ने बार्षिक चुनावी साधारण सभामा पेश गर्ने बार्षिक प्रगति प्रतिवेदन आज – मंगलबार सार्वजनिक गरेको छ ।

संस्थाको १० औं साधारण सभामा पेश गरिने प्रतिवेदन संस्थाको मुख्य कार्यलयमा आयोजित कार्यक्रममा सार्वजनिक गरिएको हो । संस्थाका अध्यक्ष संकल्प लिगंदेन, उपाध्यक्ष महेन्द्र चाम्लिगं, सचिव दिलिप जवेगु, लेखा सुपरिवेक्षण समितिको निमित्त संयोजक बिरबहादुर लाओति सदस्यहरु गुमानसिंह सम्बाहाम्फे, फूलकुमारी लिम्बु , व्यवस्थापक कुबेर तुम्बापोले संयुक्त रुपमा सार्वजनिक गरेका हुन ।

सार्वजनिक गरिएको प्रतिवेदन अनुसार संस्थाले अघिल्लो बर्षको तुलनामा ३० प्रतिशत शेयर बृद्धि भएको छ । शेयर बृद्धि भएसंगै संस्थाको कूल शेयर पुँजी ३ करोड ६५ लाख रुपैयाँ पँुजी कोरोना महामारी र लकडाउनका बाबजुद संस्थाका कर्मचारी र सञ्चालकहरुको सक्रियताका कारण कारोबार बृद्धि भएको अध्यक्ष लिंगदेनले बताउनु भयो । संस्थाले अघिल्लो आर्थिक बर्षमा ७ करोड ९२ लाख रुपैयाँ कर्जा प्रवाह गरेकोमा गत आर्थिक बर्षमा १८ करोड ९६ लाख रुपैयाँ कर्जा प्र्रवाह गरेको प्रतिवेदनमा उल्लेख छ ।

संस्थाको यस पटक हुने साधारण सभाले आगामी ४ बर्षका लागि नयाँ नेतृत्व समेत चयन गर्ने जनाइएको छ । संस्थाले हाल विर्तामोड र शिवसताक्षीमा सेवा केन्द्र सञ्चालन गर्दै आएको छ भने यसै बर्ष थप चार स्थानमा सेवा केन्द्र सञ्चालन गर्ने जनाइएको छ ।