सोमबार, ०४ असोज, २०७८ 

चीनदेखि आईपुग्यो ९ लाख खोप, जेठ २५ बाट खोप अभियान सुरु गरिने

चीन सरकारले दिएको अनुदान स्वरूप दिएको १० लाखमध्ये ९ लाख खोप मंगलबार काठमाडौं आइपुगेको छ । नेपाल वायुसेवा निगमको जहाजले ८ लाख र एक लाख हिमालय एयरलायन्सले तिब्बतको केरुङबाट लिएको हो । बाँकी एक लाख बुधबार ल्याउने कार्यक्रम रहेको स्वास्थ्य तथा जनसंख्या मन्त्रालय आपूर्ति व्यवस्थापन महाशाखाले जनाएको छ ।

चीनको सिनोफार्म कम्पनीले उत्पादन गरेको भेरोसेल नामक खोप नेपाललाई अनुदानको रूपमा दिएको हो । यो खोपलाई विश्व स्वास्थ्य संगठनले मान्यता दिइसकेको छ । चीन सरकारले नेपालमा पछिल्लोपटक थप १० लाख खोप अनुदानमा उपलब्ध गराउने घोषणा गरेको एक साता नबित्दै ९ लाख खोप आइसकेको हो । प्राविधिक कारणले एकैदिन ल्याउन नसकिएको थप १ लाख खोप पनि हिमालय एयरलायन्समार्फत ल्याइनेछ ।

चीनले अनुदान स्वरूप दिएका १० लाख खोपमध्ये ८ लाख चीनको केन्द्रीय सरकारले र २ लाख चीनको स्वशासित क्षेत्र तिब्बत सरकारले उपलब्ध गराएको हो । बुधवार नै थप २ हजार अक्सिजन सिलिण्डर नेपाल आइपुग्दैछ । यसअघि १५ सय गरी ३५ सय वटा सिलिण्डर आइपुग्नेछ । २ लाख खोपबाहेक अन्य स्वास्थ्य सामग्री पनि तिब्बतले सहयोग गरेको महाशाखाले जनाएको छ ।

जेठ २५ देखि खोप अभियान सुरु हुने

स्वास्थ्य तथा जनसंख्या मन्त्री हृदयश त्रिपाठीले चीनबाट खोप आएलगत्तै खोप अभियान २५ गतेदेखि सुरु गर्ने निर्णय भएको बताएका छन् । २५ गतदेखि देशभरका खोप लिन बाँकी ६० देखि ६५ वर्ष उमेर समूहलाई दिइनेछ । चीन र अमेरिकाबाट खरिदबाट खोप आउने सम्भावना रहेको कुराप्रति संकेत गर्दै खोप प्रक्रिया निरन्तर अघि बढ्दै जाने मन्त्री त्रिपाठीले जानकारी दिएका छन् ।

‘खोप आउँदै गर्छ, खोप दिँदै जान्छौं,’ उनले भने । स्वास्थ्य सेवा विभाग परिवार कल्याण महाशाखाका अनुसार पाँच दिनभित्र सबै जिल्लामा पठाउने र २५ गतेदेखि खोप अभियान सुरु गर्ने निर्णय भएको छ । यसअघि ६५ वर्ष माथिकालाई ६३ जिल्लामा र १४ जिल्लामा ५५ वर्षमाथिकालाई खोप दिइसकिएको छ । चीनबाट आएको १० लाख खोपमध्येमा ५ लाख मात्र दिने तयारी भएको छ । चीनबाट थप खोप आउने निश्चित भएपछि बाँकी सबैलाई लगाइने महाशाखा प्रमुख तारानाथ पोखरेलले बताए । नेपालमा ६० देखि ६४ वर्षका ८ लाख ५० हजार जनसंख्या रहेको तथ्यांक छ ।

३० प्रतिशत पुग्यो कोरोना संक्रमण दर

गत चौबिस घण्टामा नेपालका कोरोना संक्रमण दर ३० प्रतिशत रहेको छ । अघिल्लो दिन सोमबारको तुलनामा ३ प्रतिशत बढी हो भने नेपालमा कोरोना चुचुरोमा पुगेको अवधि अर्थात् एक महिनाअघिको भन्दा १६ प्रतिशत कम हो । एक सातादेखि ३० देखि ३४ प्रतिशतभित्र कोरोना संक्रमणको दर देखिएको छ ।

गत चौबिस घण्टामा परीक्षण भएका २० हजार १ सय ६५ वटा नमुनामध्ये ६ हजार ८५ जनामा कोरोना पुष्टि भएको हो । थपसहित नेपालका कोरोना संक्रमितको कुल संख्या ५ लाख ६६ हजार ५ सय ८७ पुगेको छ । तीमध्ये ३ लाख १५ हजार ९ सय ४८ जना दोस्रो लहरयता दुई महिनाको अवधिमा मात्र संक्रमित भएका हुन् ।

गत चौबिस घण्टामा कोरोनाबाट मृत्यु हुनेको संख्या पनि घटेको छ। एक महिनाअघि संक्रमण तीव्र भएको बेलामा दैनिक मृत्युदर २ सय ४०/४५ को हाराहारीमा रहेकोमा केही सातादेखि एक सय १० देखि वरपर रहँदै आएको थियो । मंगलबार मृत्यु संख्या घटेर ६८ पुगेको हो ।

सम्बन्धित समाचार

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

अभिनेत्री दिशासँग भेट्न नदिएको भन्दै होटलका कर्मचारीसँग झगडा गरे यि युवक

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

दमकमा ९३ वटा लियो क्लबहरु एकैसाथ

दमक, ३१ लायन्स क्लब इन्टरनेशल अन्र्तगत रहेको लियो डिष्ट्रिक काउन्सिल ३२५ ए वान को १० औं पदस्थापन तथा डिष्ट्रिक काउन्सिल मिटिङ दमकमा गर्ने तयारी तिब्र रुपमा अगाडी बढीरहको छ । यस कार्यक्रम सञ्चालनको जिम्मा लिएका...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।