सोमबार, ०४ असोज, २०७८ 

पवित्रहाङमा कपमा दमक र माङसेबुङ अगाडी

माङसेबुङ इलामको माङसेबुङ गाउँपालिका स्थित आत्मानन्द खेलमैदानमा पवित्रहाङमा कपको ११ औं संस्करण खेलकुद प्रतियोगिता सुरु भएको छ ।

किरात धर्मगुरुआमा मुहिगुम अङसीमामाङ साँवा पवित्रहाङमा लिङदेनको ६५ औं जन्मोत्सवको अवसरमा आयोजित प्रतियोगिता विहिबारदेखि सुरु भएको हो ।

उद्घाटन खेलमा रोयल स्पोर्टिङ क्लब दमक र एपि. एस. सी. माङसेबुङले विजयी सुरुवात गरेको छ । दमकले चुलाचुली गाउँपालिका खेलकुद समितिलाई ३–१ गोलले पराजित गर्दै दमकले विजयी यात्रा सुरु गरेको हो । माङसेबुङले पञ्चकन्या एफ सी उदयपूरलाई ४–० गोल अन्तरले विजयी हुदै सेमीफाइनलमा प्रबेश गरेको छ ।

जितका लागि दमककी डिया साही र दिव्या मगरले गोल गरिन् । खेलको सुरुवाती समयमा चुलाचुलीले खेल प्रदर्शन गरेपनि गोल रक्षकको गल्तीले दमकले पहिलो गोल गर्नमा मौका पाए ।

खेलको २१ औं मिनेटमा नै दमककी डियाले पहिलो गोल गरिन । मध्यान्तरपछिको ८ मिनेटमा दिव्याले गोल गरी टिमलाई २ गोलको अग्रता दिलाइन् । १८ औं मिनेटमा चुलाचेलीकी एलिनाले १ गोल गरे पनि पुनह रोयलका डीयाले गोल गर्दै ३–१ अन्तरले रोयलको जित निश्चित गराएकी थिइन् ।

आजै भएको अर्को खेलमा एपी. एस. सी. माङसेबुङले पञ्चकन्या एफ सी उदयपुरलाई ४–० गोल अन्तरले जित सुनिश्चित गरेको थियो ।
माङसेबुङका लक्ष्मी ठटालले खेलको ६, ११,२७ र ४३ औं मिनेटमा गोल गरेकी हुन ।

उता उदयपूरले भने खेल अवधिभर कुनै गोल गर्न सकेन । उदयपूरका खेलाडीलाई विपक्षीको पोलमा पुग्न समेत हम्मेहम्मे परेको थियो । विपक्षीको निरन्तर दवावमा परेको उदयपुरका खेलाडीहरुले रक्षात्मक समेत खेल्न सकेको थिएन ।

खेलको उत्कृष्ठ खेलाडि विजेता दमककी डिया साही घोषित भइन् । उनले नगद एक हजार रुपैयाँ, मेडल र प्रमाणपत्र प्राप्त गरिन् भने माङसेबुङकी लक्ष्मी ठटाल उत्कृष्ठ खेलाडि विजेता घोषित भइन ।

प्रतियोगिता अन्तरगत शुक्रबार दुई खेल हुनेछ । पहिलो खेल धरान फुटबल क्लब सुनसरी र खदम स्र्पोटिङ क्लब मोरङबीच प्रतिष्पर्धा हुनेछ भने दोश्रो खेल सातिसाले एफ सी मोरङ र माउण्ट एभरेष्ट स्पोर्टिङ क्लब चतरा सुनसरीबीच हुने आयोजक समितिका अध्यक्ष मनकुमार आङबुहाङले जानकारी दिए ।

फूटबलको विजेताले नगद १ लाख एक सय ६५ रुपैयाँ र उपविजेता टिमले नगद ५० हजार एक सय ६५ रुपैयाँसहित ट्रफि, मेडल र प्रमाणपत्र पाउनेछन् । त्यस्तै सर्वाधिक गोलकर्ता, उत्कृष्ट खेलाडी, उत्कृष्ट डिफेन्डर र उत्कृष्ट गोलकिपरले जनही तीन हजार एक सय ६५ रुपैयाँ प्राप्त गर्नेछन् ।

आत्मा पवित्र हक्चात यक्चुम माङसेबुङ इलामको आयोजनामा सुरु भएको प्रतियोगितामा इलाम, झापा, मोरङ, सुनसरी र उदयपुर गरी ८ महिला टीमले सहभागीता जनाएका छन् ।

प्रतियोगितको फाइनल आगामी २ फागुनमा हुनेछ ।

सम्बन्धित समाचार

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

अभिनेत्री दिशासँग भेट्न नदिएको भन्दै होटलका कर्मचारीसँग झगडा गरे यि युवक

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

दमकमा ९३ वटा लियो क्लबहरु एकैसाथ

दमक, ३१ लायन्स क्लब इन्टरनेशल अन्र्तगत रहेको लियो डिष्ट्रिक काउन्सिल ३२५ ए वान को १० औं पदस्थापन तथा डिष्ट्रिक काउन्सिल मिटिङ दमकमा गर्ने तयारी तिब्र रुपमा अगाडी बढीरहको छ । यस कार्यक्रम सञ्चालनको जिम्मा लिएका...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।