दमक झापाबाट संचालित ‘धुन क्रिएशन’ च्यानलले कभर भिडियो प्रतियोगीता गर्ने भएको छ ।

धुन क्रिएशन मार्फत हालै सार्वजनिक गरिएको गीत ‘तिमी नाँच फिरिरि’ को कभर भिडियो प्रतियोगीता राखिएको हो । सो गीतमा गीतकार एवं संगीतकार बेहोसी उदासको शब्द संगीत तथा गायक प्रमोद खरेलको आवाज रहेको छ ।

कलाकारिता क्षेत्रमा भविष्य खोज्ने नयाँ प्रतिभाहरुलाई प्रोत्साहन गर्नका लागि सो प्रतियोगिता सञ्चालन गरिएको गीतकार एवं संगीतकार बेहोसी उदासले जानकारी दिएका छन् ।

प्रतियोगीले ध्यानदिनु पर्ने सर्तहरुमा – प्राप्त भएको कभर भिडियो धुन क्रिएशन च्यानलमा अपलोड गरेपछि सो भिडियोले प्राप्त गरेको लाईक, सब्स्कक्राइब र कमेन्टको आधारमा उत्कृष्टलाई विजेता घोषणा गरिने प्रतियोगीताका संयोजक नोमेश राजवंशीले जानकारी दिएका छन् ।

सहभागीताको लागि भिडियो पठाईसकेपछि सहभागीले कपीराईट सम्बन्धी कुनै किसिमको दावी गर्न नपाउने आयोजकले सर्त राखेको छ ।सहभागीले भिडियोको साथमा ठेगाना र परिचय खुल्नेगरी आफ्नो जानकारी पठाउन अनुरोध गर्दै भिडियो टेलीग्राम @dhun Creation मार्फत सन २०२२ अप्रिल अन्तिम सम्ममा भिडियो उपलब्ध गराउँन सक्न अनुरोध गरेको छ ।

कभर भिडियो विजेताका लागि प्रथम पुरस्कार रु २५ हजार, दितिय पुरस्कार रु १५ हजार र तृतिय पुरस्कार रु १० हजार रहेको आयोजकले जानकारी दिएको छ ।

विज्ञापन

Audio Download LInk : https://soundcloud.com/dhun-creation/timinachafiriri

Email: dhuncreation888@gmail.com